आणिक तों युक्ति नाहीं माझया हातीं । आहें मूढमति म्हणूनियां ॥१॥
वारंवार तुम्हां करितों सूचना । नामें दयाघना उच्चारुनी ॥२॥
पतितपावन ऐसी ब्रिदावळी । रुळते पायांतळीं प्रतिज्ञेची ॥३॥
निळा म्हणे तिचा प्रताप दाखवा । माझा हा निरसावा अहंभाव ॥४॥
वारंवार तुम्हां करितों सूचना । नामें दयाघना उच्चारुनी ॥२॥
पतितपावन ऐसी ब्रिदावळी । रुळते पायांतळीं प्रतिज्ञेची ॥३॥
निळा म्हणे तिचा प्रताप दाखवा । माझा हा निरसावा अहंभाव ॥४॥
मी मंदबुद्धी असल्यामुळे माझ्याकडे देवाला प्रसन्न करण्याची दुसरी कोणतीही युक्ती नाही. म्हणूनच हे दयाघना, मी पुन्हा पुन्हा तुझे नाव उच्चारून तुला आठवण करून देत आहे. तुझे 'पतितपावन' हे ब्रीद चरणांशी रुळत आहे. निळोबाराय म्हणतात, त्याचा प्रताप दाखवून माझा अहंकार नष्ट कर.