उदारा कृपाळा पतितपावना । ब्रिदें नारायणा साच तुझीं ॥१॥
वर्णिलासी जैसा जाणतां नेणतां । तैसा तूं अनंता साच होसी ॥ध्रु.॥
दैत्यां काळ भक्तां मेघश्याममूर्ति । चतुर्भुज हातीं शंख चक्र ॥२॥
काम इच्छा तयां तैसा होसी राणीं । यशोदेच्या स्तनीं पान करी ॥३॥
होऊनि सकळ कांहींच न होसी । तुका म्हणे यासी वेद ग्वाही ॥४॥
वर्णिलासी जैसा जाणतां नेणतां । तैसा तूं अनंता साच होसी ॥ध्रु.॥
दैत्यां काळ भक्तां मेघश्याममूर्ति । चतुर्भुज हातीं शंख चक्र ॥२॥
काम इच्छा तयां तैसा होसी राणीं । यशोदेच्या स्तनीं पान करी ॥३॥
होऊनि सकळ कांहींच न होसी । तुका म्हणे यासी वेद ग्वाही ॥४॥
हे नारायणा, तू अत्यंत उदार, कृपाळू आणि पतितपावन आहेस. पतितपावन हे तुझे ब्रीद अगदी खरे आहे. अजाणतेपणाने किंवा जाणतेपणाने तुझे जसे वर्णन केले जाते, हे अनंता, तू अगदी तसाच आहेस. तू दुष्टांसाठी काळ आहेस आणि भक्तांसाठी मेघश्याम, चतुर्भुज, हातात शंख-चक्र धारण करणारा सुंदर रूप आहेस. जो तुला ज्या भावनेने आणि इच्छेने भजतो, त्याला तू तसाच भासतोस; यशोदेच्या पोटी बाळ होऊन तू तिचे दूधही पितोस. संत तुकाराम महाराज म्हणतात की, हे सर्व काही होऊनही तू अलिप्त राहतोस, याला वेदही साक्ष देतात.