दळितां कांडितां । तुज गाईन अनंता ॥१॥
न विसंवें क्षणभरी । तुझें नाम गा मुरारी ॥२॥
नित्य हाचि कारभार । मुखी हरि निरंतर ॥३॥
मायबाप बंधुबहिणी । तूं बा सखा चक्रपाणी ॥४॥
लक्ष लागलें चरणासी । म्हणे नामयाची दासी ॥५॥
न विसंवें क्षणभरी । तुझें नाम गा मुरारी ॥२॥
नित्य हाचि कारभार । मुखी हरि निरंतर ॥३॥
मायबाप बंधुबहिणी । तूं बा सखा चक्रपाणी ॥४॥
लक्ष लागलें चरणासी । म्हणे नामयाची दासी ॥५॥
संत जनाबाई म्हणतात, "घरचे दळण-कांडण (घरकाम) करत असतानाही, हे अनंता, मी तुझेच गुणगान गाईन. हे मुरारी, मी एका क्षणासाठीही तुझा विसर पडू देणार नाही आणि तुझे नाम गात राहीन. माझा रोजचा मुख्य कारभार हाच आहे की माझ्या मुखात निरंतर हरीचे नाव असावे. तूच माझा बाप, आई, भाऊ, बहीण आणि सखा आहेस. नामदेवाची दासी जनी म्हणते, माझे संपूर्ण लक्ष फक्त तुझ्या पावन चरणांकडे लागलेले आहे."