आदि अंतु हरि सर्वां घटीं पूर्ण ।
जाणोनि संतजन प्रेमभरित ॥१॥
रामनाम चिर्चे प्रेम वोसंडत ।
नित्यानित्य तृप्त हरिभक्ती ॥२॥
शांति क्षमा दया सावध पैं चित्तीं ।
आनंदे डुल्लती सनकादिक ॥३॥
मुक्ताई म्हणे नाम श्रीहरीचे जोडी।
नित्यता आवडी चरणसेवे ॥४॥
जाणोनि संतजन प्रेमभरित ॥१॥
रामनाम चिर्चे प्रेम वोसंडत ।
नित्यानित्य तृप्त हरिभक्ती ॥२॥
शांति क्षमा दया सावध पैं चित्तीं ।
आनंदे डुल्लती सनकादिक ॥३॥
मुक्ताई म्हणे नाम श्रीहरीचे जोडी।
नित्यता आवडी चरणसेवे ॥४॥
सृष्टीच्या सुरुवातीला आणि शेवटीही एक हरीच सर्व प्राण्यांच्या अंतःकरणात (घटी) पूर्णपणे भरलेला आहे, हे जाणून सर्व संतजन प्रेमाने डोलत असतात. ज्यांच्या मनात रामनामाचे चिंतन चालू असते, त्यांचे प्रेम नेहमी ओसंडून वाहते आणि ते हरिभक्तीमध्ये कायमचे तृप्त होतात. त्यांच्या चित्तात शांती, क्षमा आणि दया नेहमी जागृत असतात, म्हणूनच सनकादिक ऋषीही या आनंदाने डोलतात. मुक्ताबाई म्हणतात, मी श्रीहरीच्या नामाची जोड (पुंजी) मिळवली असून, मला नेहमी देवाच्या चरणसेवेचीच आवड लागली आहे.