चरण मिरवले विटेवरी दोनी । ध्यातसे ध्यानी सदाशिव ॥१॥
तो हा पंढरीराव कर दोनी कटीं । अभा असे तटीं भीवरेच्या ॥२॥
मुगुट कुंडले श्रीमुख शोभले । ध्यानी मिरवलें योगिया ॥३॥
बंका म्हणे सर्व सिध्दिंचा दातार । भक्तां अभयकर देत असे ॥४॥
तो हा पंढरीराव कर दोनी कटीं । अभा असे तटीं भीवरेच्या ॥२॥
मुगुट कुंडले श्रीमुख शोभले । ध्यानी मिरवलें योगिया ॥३॥
बंका म्हणे सर्व सिध्दिंचा दातार । भक्तां अभयकर देत असे ॥४॥
संत बंका म्हणतात, ज्यांच्या दोन्ही चरणांचे ध्यान स्वतः सदाशिव (शंकर) करतात, ते दोन्ही पाय विटेवर सुशोभित आहेत. तो हा पंढरीचा राजा भीमा (चंद्रभागा) नदीच्या तीरावर दोन्ही हात कंबरेवर ठेवून उभा आहे. डोक्यावर मुकुट, कानात कुंडल आणि सुंदर मुखकमल यांनी शोभणारे हे रूप योग्यांच्या ध्यानात प्रकट होते. बंका म्हणतात, हा विठ्ठल सर्व सिद्धी देणारा असून आपल्या भक्तांना अभय देणारा हात दाखवत आहे.